Новости
Մայրության դպրոց
Սիրելի՛ ապագա մայրիկներ, տեղեկացնում ենք, որ արդեն մեկնարկել է «Դավիդյանց պոլիկլինիկաներ»-ի «Մայրության դպրոցը»։
Տեղի է ունեցել երկու դասընթաց-հանդիպում, որոնց ընթացքում քննարկել ենք հետևյալ թեմաները՝
• Հղիության պլանավորում և հղիություն,
• Պերինատալ ընթացքի հոգեբանական կողմը,
• Ծննդաբերություն. արգանդի պարանոցի բացման շրջանը,
• Նորածնի առանձնահատկությունները։
Քննարկումներն անցան շատ հետաքրքիր ու ջերմ մթնոլորտում և բավականին ինֆորմատիվ ու օգտակար էին ապագա մայրիկների համար։
Հաջորդ դասընթաց-հանդիպմանը գրանցվելու համար կարող եք դիմել գինեկոլոգ՝ Էվելինա Կարապետյանին։
(+374)98 099600
«Դավիդյանց պոլիկլինիկաներ»՝ առողջության պահպանման ձեր հուսալի ընկերը։
Հանդիպում-քննարկում «Սննդային վարքի խանգարումներ, ախտորոշիչ կրիտերիաները, տարբերակիչ ախտորոշում» թեմայով
Ս.թ. հունիսի 24-ին «Դավիդյանց պոլիկլինիկաներ»-ի բժիշկ-դիետոլոգ Լիդիա Այվազյանը կլինիկայում անց կացրեց հերթական հանդիպում-քննարկումը «Սննդային վարքի խանգարումներ, ախտորոշիչ կրիտերիաները, տարբերակիչ ախտորոշում» թեմայով: Հանդիպում-քննարկումը նախատեսված էր սննդաբանների, ներզատաբանների, գաստրոէնտերոլոգների, մանկաբույժների, կլինիկական հոգեբանների, հոգեբույժների, վիրաբույժների համար:
«Ձմեռային սրացումներ» թեմայով գիտաժողով
Մաշկավեներաբանների հայկական ասոցիացիա-ի ևՀՀ ԱՆ «Մաշկաբանության ազգային կենտրոն» ՓԲԸ-ի նախաձեռնությամբ՝ հունվարի 27-ից 29-ը կայացավ «Ձմեռային սրացումներ» թեմայով գիտաժողով։
Եռօրյա գիտաժողովին իրենց ակտիվ մասնակցությունն ունեցան «Դավիդյանց պոլիկլինիկաներ»-ի մաշկաբան Դավիթ Հարությունյանը և դիետոլոգ Լիդիա Այվազյանը։
Բժիշկները ներկայացրին ոլորտին առնչվող հիմնախնդիրները, հանդես եկան մասնագիտական զեկույցներով։
Շնորհավորում ենք մեր բժիշկներին և մաղթում մասնագիտական նորանոր հարթակներ։
Топ новостей
Ծնվեց մեր անմահացած հերոս՝ Զորիկ Շահրամանյանի քույրիկը
Ծնվեց մեր անմահացած հերոս՝ Զորիկ Շահրամանյանի քույրիկը։ Հերոսածին մայրիկի հղիության ընթացքի հսկողության ու բարեհաջող ծննդաբերության մեջ իր դերն ուներ նաև «Դավիդյանց պոլիկլինիկաներ»-ը։
Թող շատ մանուկներ ծնվեն ու խաղաղություն բերեն Հայաստան աշխարհին։
Անչափ հուզիչ անդրադարձ՝
«Դավիդյանց պոլիկլինիկաներ»՝ առողջության պահպանման ձեր հուսալի ընկերը։
«Վահանաձև գեղձի նորագոյացություններ․ ախտորոշում և վարում, ուլտրաձայնային հետազոտություն» թեմայի շուրջ քննարկում
«Դավիդյանց պոլիկլինիկաներ»-ում փորձի փոխանակման և մասնագիտական-տեղեկատվական բնույթի նախաձեռնությունները շարունակական են և դարձել են ավանդույթ։
Այս անգամ՝ «Վահանաձև գեղձի նորագոյացություններ․ ախտորոշում և վարում, ուլտրաձայնային հետազոտություն» թեմայի շուրջ քննարկմանը հյուրընկալել ենք մեր գործընկերներին ՀՀ առաջատար բժշկական կենտրոններից։
Թեմաները ներկայացնում էին բժիշկներ Աննա Խաչատրյանը և Արամ Չոմոյանը։
Հանդիպման ընթացքում անդրադարձ կատարվեց նաև «Դավիդյանց պոլիկլինիկաներ»-ում իրականացվող վահանաձև գեղձի պունկցիային, դրա ցուցումներին, առավելություններին և ախտորոշիչ նշանակությանը։
«Դավիդյանց պոլիկլինիկաներ»-ում մասնագիտական նախաձեռնությունները և քննարկումները շարունակական են։
«Մանկական ճարպակալում» թեմայով քննարկում
Մայիսի 27-ին Դավիդյանց պոլիկլինիկաներում տեղի ունեցավ «Մանկական ճարպակալում» թեմայով քննարկում մանկաբույժներ, թերապևտներ և էնդոկրինոլոգներ թիրախային լսարանի համար:
Քննարկման շրջանակներում ներկայացվեց 2 զեկույց՝ «Ճարպակալումը երեխաների շրջանում» (էնդոկրինոլոգ- դիետոլոգ՝ Անուշ Միրզոյան) և «Մանկական ճարպակալման էնդոկրին պատճառները» (մանկական էնդոկրինոլոգ՝ Նաթելլա Նավասարդյան):
Քննարկվեցին մանկական ճարպակալման հետ կապված արդի խնդիրները և դրանց բուժման ժամանակակից մոտեցումները:
Նման քննարկումները լինելու են շարունակական:
«Դավիդյանց Պոլիկլինիկաների» և Նիդերլանդական «PUM» կազմակերպության համագործակցության շրջանակներում հյուընկալեցինք փորձագետ Օլգա Օհանջանյանին
«Դավիդյանց Պոլիկլինիկաները»-ը շարունակում է համագործակցությունը միջազգաին կազմակերպությունների հետ՝ բարձրացնելով մատուցվող ծառայությունների որակը:
Մայիսի 12-26 «Դավիդյանց Պոլիկլինիկաների» և Նիդերլանդական «PUM» կազմակերպության համագործակցության շրջանակներում հյուընկալեցինք փորձագետ Օլգա Օհանջանյանին:
Այցի շրջանակներում քննարկվեցին կլինիկայում ներդրված վարակի հսկողության համակարգի բաղադրիչները, կատարվեց փորձի փոխանակում։ Ձեռնարկվեց լավագույն փորձի կիրառում՝ հիմնված միջազգային ուղեցույցների և օրինակի վրա:
Այցը կարևոր էր նաև անձնակազմի համար ներկայացված դասախոսություն-քննարկումների տեսանկյունից, քանի որ անցկացվեցին «Վարակի հսկողության համակարգ, լավագույն փորձը» և «Ձեռքերի հիգիենա» հատկապես առողջության առաջնային պահպանման կենտրոններում թեմաներով սեմինարներ: Ավարտին բոլոր մասնակիցները ստացան հավաստագրեր՝ «PUM» կազմակերպության տարածաշրջանային համակարգող Էլեն Էթեհաուզենի (Ellen Eggenhuizen) կողմից:
Последние новости
2023-08-24
Անցե՛ք տարեկան պրոֆիլակտիկ բուժզննումները «Դավիդյանց պոլիկլինիկաներ»-ում։
Անցե՛ք տարեկան պրոֆիլակտիկ բուժզննումները «Դավիդյանց պոլիկլինիկաներ»-ում։
Պոլիկլինիկան համագործակցում է ՀՀ ամենախոշոր ապահովագրական ընկերությունների հետ՝
Nairi Insurance / Նաիրի Ինշուրանս
ԻՆՉՈ՞Ւ ԸՆՏՐԵԼ «ԴԱՎԻԴՅԱՆՑ ՊՈԼԻԿԼԻՆԻԿԱՆԵՐԸ»
Վերապատրաստված մասնագետներ
Նոր և ժամանակակից սարքավորումներ
Լուսավոր ու ընդարձակ սենյակներ
Արագ և բարեհամբույր սպասարկում
Գրանցվե՛ք Ձեզ հարմար օրը և ժամին, հետազոտվե՛ք ժամանակին և եղե՛ք առողջ:
2023-08-24
Համակարգչային տոմոգրաֆիա
ՀՏ (համակարգչային տոմոգրաֆիա) հետազոտությունը հնարավորություն է տալիս բացահայտելու մարդու օրգանիզմի ախտաբանությունները: ՀՏ ծառայությունից բուժառուներն օգտվում են բժշկի ցուցմամբ։
«Դավիդյանց պոլիկլինիկաներ»-ում առկա ՀՏ սարքավորումը տեխնոլոգիական նվաճումներից է։ Այն մանրակրկիտ արտացոլում է մարդու օրգանիզմի պատկերը։
Սարքը պտտվում է բուժառուի մարմնի շուրջ և տարբեր կողմերից նկարում անհրաժեշտ հատվածը՝ պատկերը հստակ ստանալու համար։
Սարքն ունի անգիոգրաֆիայի (ներերակային կոնտրաստավորում) հնարավորություն և նպաստում է ախտորոշման դետալիզացիային։
ՀՏ ծառայությունը գործում է ԱՄԵՆ ՕՐ` 𝟎𝟗։𝟎𝟎-𝟐𝟏։𝟎𝟎։
Գովազդի թույլտվություն N ԲՄԳ-00031
Լիցենզիա Կ-ԲՕ-003119 29․12․2021թ
2023-08-24
Ուղեցույցային բուժում
«Դավիդյանց պոլիկլինիկաներ»-ում բուժման մոդելը ուղեցույցային կամ գործելակարգային է։ Այն ախտորոշման, հետազոտման և բուժման արդյունավետ մոդել է, որը կիրառում են ամբողջ աշխարհում։
Անհրաժեշտ հետազոտությունների հերթականությունը և բուժման ընթացքը նշանակվում են հստակ ուղեցույցով։
2023-08-24
Հարմարավետություն բոլորի համար
Լինելով 21-րդ դարի պոլիկլինիկական լավագույն ավանդույթների ու արժեհամակարգի կրողը՝ «Դավիդյանց պոլիկլինիկաներ»-ը կառուցման օրից մեծապես կարևորել է իր կենտրոնում հենաշարժողական համակարգի խնդիրներ կամ տեղաշարժման սահմանափակ հնարավորություններ ունեցող անձանց հարմարությունը՝ սպասասրահների և բժշկական սենյակների կառուցվածքը, ինտերիերը, վերելակը հարմարեցնելով նաև բուժառուների ազատ տեղաշարժին (ըստ անհրաժեշտության բուժառուին տրամադրվում է անվասայլակ)։